Subscribe

Këtë të enjte në bursën e Londrës po zhvillohet ankandi për Eurobondin e radhës, duke kërkuar 700 milion euro borxh.

 

Situata konsiderohet pozitive, pasi investitorët kanë shfaqur interes për të financuar.

 

I gjithë procesi pritet të finalizohet brenda ditës, ndërsa pritshmëritë janë që norma e interesit të jetë brenda 4%.

 

 

Kjo është hera e pestë që qeveria po emeton një Eurobond. I fundit ishte në qershor 2020, kur u mor një shumë prej 650 mln euro me një normë prej 3.6 %.

 

Qeveria këtë viti rriti kërkesën për financim me synimin që të shfrytëzojë normat e ulëta të interesit, pasi në valën e inflacionit që ka përfshirë tregjet, tendenca duket se nga viti që vjen këto norma do të rriten.

 

Paratë që do të sigurohen, do të përdoren për të financuar deficitin e krijuar si pasojë  e shpenzimeve të larta në kushte pandemie, ndërsa një pjesë tjetër do të lihet në thesar për t’u përdorur vitin që vjen, sipas nevojave të qeverisë.

Leave a Reply

Your email address will not be published.