Presidenti Ilir Meta këtë të premte ka vlerësuar me Titullin e lartë “Për Merita të Veçanta Civile”, mjekun Grei Malo.
Mjeku Malo gjatë ditëve të tmerrshme të pas-tërmetit të 26 nëntorit, zbriti në terren për t’iu dhënë ndihmë qytetarëve.
Kreu i shtetit përmes një postimi në rrjetin social Facebook, shkruan se ai hyri nën rrënoja për të shpëtuar jetë njerëzish, në të gjitha zonat e dëmtuara.
Sipas Metës, mjeku Malo dha një kontribut të veçantë për shpëtimin e të riut Klajdi Qato.
“Me nderim dhe mirënjohje të thellë, pata sot privilegjin të vlerësoja me Titullin e lartë “Për Merita të Veçanta Civile”, mjekun hero Grei Malo, i cili zbriti në terren menjëherë pas goditjes së tërmetit tragjik të 26 nëntorit, duke hyrë nën rrënoja e shpëtuar jetë njerëzish në të gjitha zonat e dëmtuara, dhe spikati me kontributin e tij të veçantë humanitar si anëtar i Qendrës Vullnetare të Emergjencave Civile, për shpëtimin e të riut Klajdi Qato. Mirënjohje Grei Malos që dha një shembull të jashtëzakonshëm të sakrificës dhe profesionalizmit, duke na bërë krenarë dhe gëzuar respektin e të gjithë shqiptarëve! Mirënjohje të gjithë anëtarëve të Qendrës Vullnetare të Emergjencave Civile!”.
Faleminderit shok yne presidential Komunist I dashuri florinjve kollovari dhe trimi Mic Sokoli Avni Rustemi dhe Vojo Kushi qe ju hole Moleve to a super me breke plazhi Play Boy Buci Ilir Meta Tani ke ca kohe te besh dekorime dhe thirri me lufte qe te shpetojne lekuren tende me Qelb Kanseroz Komunisti I Skraparit