Një shpërthim ka goditur një bllok banesash trekatëshe në Hagë, thotë policia.
Zjarrfikësit shkuan në vendngjarje për të shuar zjarrin që shkaktoi shembjen e disa shtëpive në zonën Tarwekamp të qytetit rreth orës 06:15, me kohën lokale, raporton BBC.
Ekipet e shpëtimit po kërkojnë për të paktën 20 persona që mendohet se kanë qenë aty në momentin e shpërthimit. Katër janë nxjerrë nga rrënojat deri më tani.
Shkaku i shpërthimit nuk është ende i qartë, por policia holandeze tha se një makinë u largua “me shpejtësi shumë të madhe” menjëherë pas kësaj dhe ka apeluar për dëshmitarë.
Mediat holandeze raportuan se pesë banesa u shkatërruan nga shpërthimi.
Ekipet e shpëtimit me qen nuhatës po punojnë për të nxjerrë njerëzit që janë nën rrënoja, por disa pjesë të vendit mbeten shumë të rrezikshme për t’u aksesuar.
Katërmbëdhjetë vjeçari Adam Muller i tha agjencisë së lajmeve AFP se shpërthimi “u ndje si një tërmet”.
“Unë isha në gjumë dhe papritmas pati një zhurmë të madhe,” tha ai.
“Unë pashë nga dritarja dhe pashë flakë. Është një tronditje masive,” shtoi ai.
Komisioneri i policisë kombëtare në Holandë, Janny Knol tha se kishte “mosbesim dhe pasiguri” në komunitet.
Policia pritet të japë një përditësim në orën 15:00 me orën lokale./vizionplus.tv
