Një bombol gazi ka shpërthyer në fshatin Maliq, këtë të diel, rreth orës 11:00. Nga shpërthimi i saj kanë mbetur të plagosur 4 pjesëtar të familjes mes të cilëve dhe një fëmijë 8-vjeçar.
Të plagosurit e tjerë janë nga mosha 26 deri 32 vjeç, të cilët ndodhen në spitalin rajonal të Korçës për mjekim të specializuar.
Nga shpërthimi pjesëtarët e familjes Muçollari kanë marrë djegie në pjesën e fytyrës.
Kryefamiljari Jetnor Muçollari tregon se gjithçka ka ndodhur në momentin e ndërrimit të kokës së bombolës.
Nisur nga ngjarje të tilla që nuk kanë qenë të pakta, policia e Korçës u ka kërkuar qytetarëve që kanë zgjedhur të ngrohen me gaz të bëjnë kujdes në përdorimin e tyre./vizionplus.tv
