Një 29-vjeçar në Tiranë është arrestuar nga policia pasi është kapur me lëndë narkotike.
Policia pas marrjes së informacionit e marra se një shtetas shpërndante lëndë narkotike kokainë dhe kanabis në Astir, ka arrestuar 29-vjeçarin E.B në flagrancë.
Njoftimi:
Goditet nga Komisariati i Policisë Nr. 6, një tjetër rast i shpërndarjes së drogave të forta.
Sekuestrohen dy qese plastike me lëndë narkotike të dyshuar kokainë e ndarë në doza gati për shitje, një sasi lënde narkotike e dyshuar kanabis, 3 peshore elektronike si dhe një shumë parash e përfituar nga veprimtaria kriminale.
Vihet në pranga poseduesi i tyre.
Në vijim të punës për goditjen e veprimtarisë kriminale të shpërndarjes së drogave në doza, bazuar në informacionet e marra se një shtetas shpërndante lëndë narkotike kokainë dhe kanabis në Astir, shërbimet e Komisariatit të Policisë Nr. 6, kanë bërë kapjen dhe arrestimin në flagrancë të shtetasit E. B., 29 vjeç, banues në Tiranë.
Arrestimi i këtij shtetas u bë pasi gjatë kontrollit fizik,kontrollit të banesës dhe të biznesit të tij, shërbimet e Policisë gjetën dhe sekuestruan në cilësinë e provës materiale dy qese plastike me lëndë narkotike të dyshuar kokainë, e ndarë në doza, gati për shitje, një sasi lëndë narkotike kanabis, 3 peshore që shërbenin për peshimin e lëndës narkotike dhe një sasi parash të dyshuara të përfituara nga shitja e lëndës narkotike.
Materialet i kaluan Prokurorisë së Rrethit Gjyqësor Tiranë, për veprën penale “Prodhimi dhe shitja e narkotikëve”.
