Shpërndante kokainë në doza, arrestohet i riu nga Kamza

Një i ri nga Kamza është vënë në pranga nga policia, pasi akuzohet për shpërndarje të lëndëve narkotike.

Në pranga ka rënë shtetasi B. D., 26 vjeç, banues në Kamëz.

Gjatë kontrollit të ushtruar në automjetin me të cilin qarkullonte 26-vjeçari dhe kontrollit fizik, u gjetën disa doza me lëndë të dyshuar kokainë, 1 aparat celular, të cilat u sekuestruan në cilësinë e provës material sëbashku me automjetin.

Nga hetimet paraprake ka rezultuar se 26-vjeçari i shpërndante dozat në zona të ndryshme të Valiasit./vizionplus.tv