Policia rrugore në kryeqytet ka vijuar kontrollet me radarë në rrugën interurbane Tiranë-Durrës, me qëllim parandalimin e aksidenteve.
Gjatë kontrolleve të policisë, të kryera gjatë orëve të para të kësaj të diele, është ndaluar një 28 vjeçar nga Preza e Tiranës, i cili ishte duke udhëtuar me shpejtësi tej normave të lejuara, me 225 km/h.
Në videon e bërë publike nga vetë policia rrugore, thuhet se kjo shpejtësi është vrasëse, papërgjegjshmëri ndaj jetës, rrezik potencial edhe për jetën e përdoruesve të rrugës.
Policia sqaron se qëllimi i kontrolleve nuk janë gjobat, por garantimi i sigurisë se jetës për përdoruesit e rrugës.
