Nëse lajmin për shtatzëninë arriti ta mbante fshehur deri në momentin kur shtypi rozë zbuloi gjithçka, lajmin e lindjes të bijës nuk mund të mos e ndante me ndjekësit e saj. Më 15 korrik të këtij viti, këngëtarja e njohur Olta Boka u bë mama për herë të parë e Gaias, emër ky që vjen nga mitologjia greke dhe do të thotë “Nëna e Tokës”. Nga ai moment e deri më sot, vogëlushja është kthyer në epiqendrën e jetës së saj dhe këtë e kemi kuptuar nga postimet e ndryshme në Instagram.
Olta nuk ngurron që herë pas here të japë mesazhe në lidhje me mëmësinë, kujdesin ndaj të voglës e sidomos për kilet e shtuara. Teksa shfaqet pa komplekse këngëtarja thotë se shoqëria pa dashur ushtron presion mbi standardet e bukurisë, siç edhe ka treguar në postimin e mëposhtëm, duke motivuar nënat e reja që të mos bien pre e tendencës për t’u dukur si modelet e Instagramit dhe se duhet ta duan e pranojnë trupin e tyrem ashtu si është./ Living
https://www.instagram.com/p/CFPyMNRl8se/?utm_source=ig_web_copy_link
