Shoqata e Prodhuesve Shqiptarë ka gati dhjetë padi për t’i dorëzuar në Gjykatën Kushtetuese.
Një fakt të tillë e bëri të ditur Arben Shkodra në studion e “Quo Vadis”.
Ai shpjegoi se paditë kanë lidhje me nene që dëmtojnë të drejtat dhe liritë ekonomike të bizneseve.
“Ne kemi mbi 10 cështje që ne i kemi trajtuar dhe ne jemi gati për t’i depozituar në GJK, menjëherë sapo ajo të jetë e vlefshme. Janë nene të caktuara në ligje që janë prodhuar këto 2-3 vite, të cilët kanë element anikushtetues brenda, të cilët dëmtojnë të drejtat dhe liritë ekonomike, të drejtat për të bërë biznes e me radhë. Por kur nuk e ke je gjithmonë në pritje se kur do ndodhë. Në fakt ka teori të caktuara që thonë se e lënë vakante me dashje, sepse e kanë më të lehtë të bëjnë një ligj që ka element antikushtetues brenda, por nuk ke kujt t’i referohesh dhe ne kemi ngecur dhe nuk kemi mundësi të vijojmë më tej.”
