Një automjet tip “Ford” është shkrumbuar mëngjesin e kësaj të hënë, në Lushnjë. Fatmirësisht, drejtuesi i mjetit ka mundur të konstatojë në kohë flakët dhe ka braktisur automjetin. Vetëm pak momente më pas, drejtuesi i mjetit do të merrte në automjet edhe disa persona të tjerë, por fatmirësisht tragjedia është shmangur.
Sipas të dhënave paraprake të policisë shkak dyshohet të ketë qenë një shkendijë elektrike pasi mjeti ishte i ndezur. Grupi hetimor po punon për zbardhjen e plotë të rrethanave.
