Shkodrani kapet duke transportuar emigrantë të paligjshëm drejt BE

Policia e Shkodrës arrestoi një 51-vjeçar këtë të mërkurë.

Ai u kap duke transportuar gjashtë emigrantë të paligjshëm në drejtim të kufirit me Malin e Zi, me një makinë.

Atyre u ishte premtuar kalimi drejt vendeve të BE.

Po ashtu, efektivët ndaluan edhe një 49-vjeçar të shpallur në kërkim për të njëjtën vepër penale.

Ndaj tij ishte caktuar masa e sigurisë “Arrest në burg”.