Prokuroria e Posaçme ka marrë të pandehur kreun e Komisionit të Prokurimeve Publike, Jonaid Myzyrin, për shkelje të barazisë në tendera, kryer në bashkëpunim.
Sipas burimeve, mësohet se Myzyri po hetohet për disa tendera të zhvilluara gjatë viteve 2019 deri në 2021.
Të njëjta burime shtojnë se ka dyshime qe në këto tendera nuk janë vlerësuar të gjitha ofertat dhe as ankimimet.
Myzyri pritet të paraqitet në ditët në vijim në ambientet e Prokurorisë së Posaçme, i shoqëruar nga avokati i tij mbrojtës, për t’u pyetur në cilësinë e të pandehurit dhe për t’u njohur zyrtarisht me akuzën./vizionplus.tv
