3 shtetas janë ndëshkuar me 700 mijë lekë për shkelje të vetëkarantinimit të detyrueshëm, pasi nuk u gjetën në banesë gjatë kontrollit.
Bëhet fjalë për 51-vjeçarin me iniciale Sh. P., O. H., 28 vjeç dhe A. B., 41.
Këta shtetas janë punonjës të një fasonerie në Krujë, e cila është mbyllur në 15 prill dhe iu është thënë të vetëkarantinohen. Mirëpo, shërbimet e policisë i kanë konstatuar jashtë banesës së tyre dhe janë gjobitur me 700 mijë lekë.
Gjatë kontrolleve të ushtruara në Krujë janë ndëshkuar me masë administrative 5 administratorë lokalesh, për hapje të aktivitetit të tyre.
Po ashtu, ka përfunduar në pranga edhe një 31-vjeçar në Durrës për qarkullim pa autorizim dhe në gjendje të dehur.
