Pas incidentit të ndodhur gjatë mitingut përmbyllës të Partisë Demokratike në Elbasan, dega lokale e kësaj partie ka reaguar përmes një deklarate për mediat, duke e cilësuar ngjarjen si një konflikt banal pa lidhje politike.
Në reagim, Partia Demokratike thotë se ky episode i izoluar u përdor nga qarqe të afërta me mazhorancën për ta politizuar.
Lexo edhe :
Gjithashtu PD Elbasan u ka bërë thirrje qytetarëve që të mbeten të fokusuar te qëllimi i përbashkët; ndryshimi në Elbasan dhe Shqipëri.
DEKLARATË PËR MEDIAT!
Në lidhje me incidentin e ndodhur gjatë mitingut përmbyllës të Partisë Demokratike në Elbasan, Partia Demokratike Dega Elbasan dëshiron të sqaroj opinionin publik se bëhet fjalë për një konflikt të natyrës krejtësisht banale mes disa të rinjve, pa asnjë lidhje me përplasjen e grupeve mbështetëse të kandidatëve apo me organizimin e Partisë Demokratike.
Fatkeqësisht, ky episod i izoluar u përdor me shpejtësi nga qarqe të afërta me mazhorancën për ta politizuar dhe për të njollosur suksesin e këtij takimi madhështor,ku qytetarët e Elbasanit treguan mbështetjen e tyre të jashtëzakonshme për Prof. Dr. Sali Berishën dhe Partinë Demokratike.
Partia Demokratike Elbasan u bën thirrje të gjithë qytetarëve të mos ndikohen nga manipulime të tilla keqdashëse dhe të mbeten të fokusuar tek qëllimi ynë i përbashkët: fitorja e vlerave demokratike dhe ndryshimi që Elbasani dhe Shqipëria meritojnë./vizionplus.tv
