Mjekja e veçantë Artemisa Gogollari ishte e ftuar këtë të martë në Quo Vadis të moderatores Pranvera Borakaj në Vizion Plus.
Ajo tregoi se shumë sëmundje mund të shërohen me anë të meditimit, pa qenë nevoja të merrni një recetë të mbushur me ilaçe.
Sipas saj secili prej nesh ka forcën brenda vetes që me anë të meditimit të shërojnë disa sëmundje siç janë ato autoimune.
Pjesë nga biseda:
Gogollari: Na lajmëruan persona që vuanin jo vetëm nga tiroidja por edhe nga sëmundje të tjera autoimune, artikulacionet, persona që vuanin nga sindromi i zorrës së irrituar.
Borakaj: Të gjitha sëmundjet që ju përmendët kur lexon për shkaktarët, një nga elementët është stresi, mund të zgjidhen me meditim?
Gogollari: Në rastin e tiroides hashimoto, kemi patur shumë shërime të kësaj sëmundjeje. Ka kërkime shkencore që thonë se është kortizoli ai që ndikon te sistemi imuniar dhe shkakton pastaj sëmundje autoimune duke përfshirë dhe tiroidin hashimoto. Meditimi ndikon në uljen e kortizolit. Persona që kanë sëmundje autoimune, edhe sistemi i tyre nervor është në gjendje lufte, është i aktivizuar sistemi simpatik dhe meditimi aktivizon sistemin parasimpatik. Fillon trupi të ndihet në paqe, i mbrojtur, fillojnë të prodhohen mbi 1400 molekula në gjak që janë pro shëndetit, antiflamatore, antikancerogjene, ndryshojnë biokiminë e gjakut, e cila çon në ndryshimin e ADN-së. Sëfundin është publikuar një studim i cili tregon se mbi 4000 gene janë aktivizuar pas 7 ditëve meditim.
