Trupat e pajetë të dy prej gjashtë punëtorëve që vdiqën në ujërat e akullta të portit të Baltimores në Bregun Lindor të SHBA u gjetën të mërkurën, thanë autoritetet, një ditë pas shembjes së një ure kur një anije gjigante u përplas me të.
“Menjëherë pas orës 10 të mëngjesit, zhytësit gjetën një gjysmë kamion të kuq në një thellësi prej rreth 7.6 metrash”, shpjegoi policia e Maryland gjatë një konference për shtyp.
Lexo edhe :
Related Posts
“Dy viktimat e tragjedisë kanë mbetur të bllokuar brenda automjetit”, thuhej më tej.
Trupat e gjetur janë identifikuar. Ata janë dy burra të moshës 35 dhe 26 vjeç, anëtarë të një ekuipazhi të punëtorëve të ndërtimit të rrugëve që po riparonin trotuarin e urës Francis Scott Key kur ndodhi aksidenti.
Trupat e katër kolegëve të mbetur, të cilët tani supozohen të vdekur, nuk janë gjetur ende, shtuan autoritetet.
“Për shkak të sasisë së betonit dhe mbeturinave në vendin e përplasjes, zhytësit nuk janë më në gjendje të lundrojnë në mënyrë të sigurt drejt asaj që ne besojmë se janë automjetet e bllokuara”, tha Roland Butler i Policisë së Shtetit të Maryland.
Prandaj, fillimisht do të jetë e nevojshme të hiqet pjesa penguese e urës për të lejuar akses të sigurt për zhytësit, shpjegoi ai.
Viktimat po riparonin rrugën e urës 2.6 kilometra të gjatë kur pjesë të mëdha të saj u shembën në lumin Patapsco rreth orës 01:30 të martën, thanë autoritetet. /vizionplus.tv
