Një ngjarje tragjike ka tronditur qytetin bregdetar të Terracinës, ku mbrëmjen e 7 korrikut u shemb papritur tavani i restorantit të njohur Essenza, duke shkaktuar një viktimë dhe disa të plagosur.
Fatkeqësisht, humbi jetën Mara Severin, një someliere 31-vjeçare, e njohur për pasionin dhe përkushtimin ndaj verës. Ajo ishte një nga figurat kryesore të shërbimit në këtë restorant me yll Michelin dhe menaxhonte një kantinë me mbi 850 etiketa vere nga e gjithë bota.
Mara kishte realizuar ëndrrën e saj për të punuar në një restorant të klasit të lartë, pasi ishte diplomuar në ITC Salvemini dhe më pas ishte specializuar si someliere. Që nga inaugurimi i Essenza në vitin 2022, ajo punonte aty krah për krah me kolegët, duke u bërë një pikë referimi për klientët e apasionuar pas verës dhe gastronomisë.
Tavani i lokalit u shemb papritur, duke zënë poshtë dhjetëra persona, mes tyre punonjës dhe klientë. Tre të plagosur ndodhen në gjendje të rëndë në spitalin “Fiorini” të qytetit. Për Marën, plagët rezultuan fatale ajo ndërroi jetë mbrëmë në spital.
🔵 #Latina Tragedia a #Terracina, cede improvvisamente il soffitto del ristorante stellato L’Essenza: morta la sommelier, decine di feriti, 3 sono in gravi condizioni. La vittima si chiama Mara Severin, aveva 31 anni. Da chiarire le cause del cedimento, si scava tra le macerie pic.twitter.com/AVNZN68iaP
— Rai Radio1 (@Radio1Rai) July 8, 2025
Restoranti Essenza, që fitoi yllin Michelin falë kuzhinës së shefit Simone Nardoni, ishte kthyer në një destinacion kulinar prestigjioz në qendër të Italisë. Tani, ky emër është i lidhur me një tragjedi që ka lënë gjurmë të thella në komunitetin gastronomik dhe më gjerë.
/vizionplus.tv
