Komanda Qendrore e Shteteve të Bashkuara (CENTCOM) ka njoftuar se forcat amerikane kanë kryer sulme të reja ndaj objektivave iraniane për të nëntën natë radhazi.
Në një deklaratë zyrtare, CENTCOM tha se operacionet synojnë të degradojnë kapacitetet ushtarake të Iranit që, sipas SHBA-së, përdoren për të sulmuar anijet tregtare dhe marinarët civilë që kalojnë në Ngushticën e Hormuzit.
CENTCOM began conducting a new wave of strikes against Iran at 7 p.m. ET today for the ninth consecutive night. The strikes will continue degrading Iranian military capabilities used to attack commercial vessels and civilian mariners transiting the Strait of Hormuz.
— U.S. Central Command (@CENTCOM) July 19, 2026
Ndërkohë, mediat shtetërore iraniane raportuan për shpërthime në veri dhe jug të vendit, pa dhënë menjëherë detaje mbi dëmet apo viktimat.
Si kundërpërgjigje, Irani lëshoi raketa drejt Jordanisë, një zhvillim që ka shtuar shqetësimet për zgjerimin e konfliktit në rajon, përfshirë edhe Izraelin fqinj.
Përshkallëzimi i tensioneve vjen pasi dy ushtarakë amerikanë u konfirmuan të vdekur në Jordani, pas një sulmi me raketa dhe dronë që, sipas autoriteteve amerikane, u krye nga Irani të premten.
CENTCOM bëri të ditur gjithashtu se gjatë operacioneve të kërkimit për një ushtar tjetër të zhdukur pas sulmit, janë gjetur mbetje njerëzore që ende nuk janë identifikuar.
Në një incident të veçantë, një tjetër ushtar amerikan humbi jetën në Irak gjatë një shpërthimi të kontrolluar të një pajisjeje të lidhur me Iranin, të shtunën.
/vizionplus.tv
