I dërguari i Departamentit amerikan të Shtetit për Ballkanin Perëndimor Matthew Palmer ka bërë të qartë se Shtetet e Bashkuara janë në konkurrencë të hapur me Rusinë dhe Kinën për ndikimin politik dhe ekonomik mbi vendet e Ballkanit.
MATTHEW PALMER
I DERGUARI I SHBA PER BALLKANIN PERENDIMOR
Shtetet e Bashkuara duan që vendet e Ballkanit Perëndimor të kenë sytë nga Amerika dhe Bashkimi Europian. Ne e kuptojmë që jemi në konkurrence me Rusinë, kinën dhe aktorë të tjerë. Mendoj se ne jemi partnerë më të mirë se të tjerët për këto vende, jemi partnerë më të mirë sesa federata ruse dhe do të bëjmë më të mirën tonë për ta bërë këtë të qartë. Shtetet e Bashkuara kërkojnë një influence pozitive ne gjithë vendet dhe këtu përfshihen edhe vendet e Ballkanit Perëndimor. Për ne është e rëndësishme që qëllimet tona përputhen me qëllimet që kanë vendet në Ballkan. ShBA është këtu për të mbështetur qëllimet që kanë vendet e Ballkanit Perëndimor. Qëllime të cilat i kanë identifikuar vetë.
Gjithashtu Palmer gjatë intervistës për mediat boshnjake I bëri apel Serbisë të njohë Kosovën si shtet I pavarur.
MATTHEW PALMER
I DERGUARI I SHBA PER BALLKANIN PERENDIMOR
SHBA-ja dëshiron të shohë normalizim të plotë të marrëdhënieve midis Kosovës dhe Serbisë, që do të nënkuptonte njohje të ndërsjellë. Sikur ta njihnin njëra-tjetrën, ato do të mund t’i zgjidhnin çështjet e diskutueshme si fqinj. Prishtina dhe Beogradi duhet të ulen në tryezë, të arrijnë marrëveshje dhe bashkë të përcaktojnë rrugën nga e ardhmja evropiane. Është e nevojshme një marrëveshje që do të pranohej nga publiku në të dyja anët dhe do të mbështetej si rruga më e mirë përpara.
Zyrtari i lartë amerikan shtoi se Ballkani eshte nje prioritet per shtetet e bashkuara të cilat janë të angazhuara për integrimin e tyre në strukturat euroatlantike.
