Shqipëria nisi sot rrugëtimin në eleminatoret e botërorit Katar 2022 me ndeshjen e parë përballë Andorës në transfertë.
Ndeshja u mbyll me rezultatin 0-1. Një gol i Ermir Lenjanit në minutën e 41-të zhbllokoi sfidën ndaj Andorrës. Ai kaloi në avantazh skuadrën kuqezi me një goditje fantastike nga krahu i majtë, pas asist të Memushajt. Një rast të mirë në minutën e 39-të kishte dhe Ismajli, por pa rezultat.
Të besuarit e Edi Reja dominuan me kontrollin e lojës, ndërsa rastet për shënim ishin të pakta.
