Ndërsa pa u mbyllur ende sezoni turistik 2022, Ministrja e Turizmit, Mirela Kumbaro ka bërë të ditur për Vizion Plus se ka nisur puna për sezonin e ri të vitit të ardhshëm.
Në një intervistë me moderatoren, Rajmonda Lajthia për emisionin E-Zone, Kumbaro u shpreh se këtë viti puna përgatitore do të nisë edhe më herët se vitin e kaluar.
Ministrja bëri një thirrje edhe për aplikantët e interesuar të cilët duhet të bëhen gati pasi aplikimet për stacionimin e palzheve do të bëhet nga data 1 deri në 30 nëntor.
“Puna ka nisur për sezoin tjetër. Ndonëse ne edhe vitin e kaluar kemi nisur herët prap kemi kuptuar që duhet nisur edhe më herët. Nga viti i kaluar kuptuam se për t’i bërë të gjitha gati duhet të nsimin edhe më shpejt.
Aplikimet për stacionet e plazheve dhe stacionet e parkimit të mjeteve lundruese do të nsië që tani në vjeshtë. Puna për riorganizimin e parcelave të plazheve ka filluar, puna për rishikimin e VKM-së përkatëse ka filluar dhe në dat 1 nënton deri në 30 nëntor këtë vit do të jetë koha e aplikimit për stacionet e plazheve të vitit 2023. Të gjithë aplikantët të përgatitën sepse paralelisht do të jenë disa aplikime për stacionet e plazheve për miratimin e strukturave të përkohshme të shërbimit ato që quhen ‘beach bar’ të cilat sërish edhe si vitin e kaluar do të kalojnë për miratim në këshillin kombëtar të territorit.
Ndërsa ato struktura të cilat e kanë marrë miratimin janë të vlegfshme thjesht do të paketohen dhe do tu zgjatet leja e ndërtimit të përkohëshëm për vitin e ardhshëm. Jemi në punë të përditshme me synimin që kjo punë të mbyllet deri në datë 30 dhjetor të këtij viti.” – tha ministrja Kumbaro.
