Presidenti i Serbisë, Aleksandër Vuçiç ka shprehur shqetësimin e tij për aleancën ushtarake mes Kroacisë, Kosovës dhe Shqipërisë.
Duke folur para gazetarëve në Mynih, Vuçiç theksoi se ende po pret përgjigje për pyetjen se pse po krijohet një aleancë e tillë. Ai paralajmëroi se kjo është arsyeja pse Serbia do të investojë më shumë në mbrojtje.
“Me formimin e një aleance ushtarake të Kroacisë me Prishtinën dhe Tiranën, ne jemi seriozisht të rrezikuar dhe do të merremi me këtë çështje me shumë seriozitet. Së shpejti do të marr pjesë në kolegjiumin e Shtabit të Përgjithshëm dhe të Ministrisë së Mbrojtjes [të Serbisë] dhe do të vizitoj të gjitha fabrikat e industrisë ushtarake. Do të investojmë një shumë të madhe shtesë të parave në fabrikat e industrisë ushtarake”, tha Vuçiq, duke shtuar se nga tani e tutje “30, ndoshta deri në 40 për qind”, tha Vuçiç.
Në mars të vitit të kaluar, Kosova, Shqipëria dhe Kroacia nënshkruan një marëveshje bashkëpunimi në fushën e sigurisë dhe mbrojtjes.
Në dukment thuhet se tri shtetet do të bashkëpunojnë për rritjen e sigurisë dhe stabilitetit në Evropën Juglindore.
