Policia Kufitare ka sekuestruar mbi 47 mijë euro të padeklaruar. Mësohet se dy shtetas turq kanë tentuar të kalojnë shumën e parave në Rinas, pa i deklaruar ato.
Gjatë kontrolleve të çantave të shpinës policia ka gjetur 17 mijë euro tek njëri nga shtetasit turq dhe mbi 30 mijë euro tek tjetri.
Të dy shtetasit turq u proceduan penalisht për veprën penale “Mosdeklarimi në kufi i të hollave dhe i sendeve me vlerë”.