Vendimi i liderve të bashkimit evropian për t’i dhënë fund nw maswn 90 për qind importeve të gazit dhe naftës ruse deri në fund të vitit ka ndikuar ndjeshëm në rritjen e cmimeve.
Megjithëse kjo politikë synon izolimin e mëtejshëm të Rusisë ekonomikisht dhe politikisht, ajo gjithashtu çoi menjëherë në një rritje të çmimeve globale të karburantit.
Nafta e papërpunuar u shtrenjtua me rreth 1.5% e tashmw një fuci kushton
117.31 dollarë.
Por pasojat e luftës në ukrainë shfaqen dukshëm edhe në rritjen e cmimeve në vendet anëtare të bashkimit evropian. Inflacioni në bllok shënoi një rekord të ri prej 8.1 për qind në maj, nga 7.4 për qind që ishte një muaj më parë.
Sipas Vlerësimit paraprak i publikuar nga Eurostat, ky është niveli më i lartw që nga fillimi i mbajtjes së të dhënave për eurozonën në 1997.
Norma më e lartë e inflacionit vjetor ishte për çmimet e energjisë, me 39.2 për qind, pasuar nga ushqimet, alkooli dhe duhani.
