Sali Berisha: Gledis Nano u shkarkua se zbuloi lidhjet me krimin të Olsi Ramës dhe Bledi Çuçit

Sali Berisha ka deklaruar se Gledis Nano u shkarkua nga detyra e Drejotrit të Përgjithshëm të Policisë së Shtetit pasi kishte zbuluar lidhjet me krimin të vëllait të kryeministrit Edi Rama, Olsi Rama dhe ministrit të Brendshëm, Bledi Çuçi.

Përmes një postimi në Facebook, Berisha sqaron dy zbulimet që i ‘kushtuan kokën’ sipas tij, Gledis Nanos.

Ai shkruan se Nano ka zbuluar një aferë të Olsi Ramës në lidhje me Call Centerat dhe se ngarkesa prej 2.2 tonë kanabis që u kap muajt e fundit është transportuar nga anijet e Ministrit Çuçi.

Reagimi i plotë:

Gledis Nano, viktimë e zbulimit të lidhjeve të freskëta me krimin të Olsit dhe Çuçit.
Të dashur miq,
Drejtorin e përgjithshëm të policisë së shtetit Gledis Nano e hëngri mafia Rama-Çuçi.
Ai u shkarkua pa asnjë shkak direkt madhor. Në mjediset e mafjas shtetërore, gosipi u përhap se Nano iku se kishte zbuluar dhe paditur lidhje të rrezikshme të Ardi Veliut dhe kupolës tjeter të policisë me trafikantë droge dhe shpërblime të mëdha prej tyre.
Mirëpo, burime tjera të thella pohojnë se Nano nuk u largua se zbuloi lidhjet e njohura të krimit të Veliut dhe kupolës tjeter të policisë por atij i kushtoi koken:
1- Afera e Olsi Ramës me Call-center në të cilën qytetarë gjermanë humbën miliona euro në skemë mashtrimi nga call-center i Tiranës. Nano po bashkëpunonte në hetimin nga të huajt të kësaj çeshtjeje përvëluese për këndin Rama.
2- Gledis Nano me autoritetet Italiane gjetën se ngarkesa e fundit prej 2,2 ton kanabis është transportuar me anije të klubit të velave të velistit të apasionuar, ministrit të familjes Çuçi. Ndaj dhe mafia Rama-Çuçi e flakën atë si limon të shtrydhur. #sb