Bosnja e Hercegovina është e ekspozuar përballë kërcënimit rus. Shenjat e ndërhyrjes sipas ndërkombëtareve tashme janë të qarta. Sekretarja e Jashtme britanike, Liz Truss gjatë vizitës së saj në Bosnjë Hercegovinë tha se Rusia synon destabilizimin në këtë vend.
LIZ TRUSS
MINISTRJA E JASHME, BRITANI E MADHE“Historia e Bosnje-Hercegovinës, është një kujtesë e asaj që ndodh kur ne nuk e kundërshtojmë agresionin. Gjenocidi në Srebrenicë dhe rrethimi i Sarajevës janë vetëm dy krime që na tmerruan dhe thamë ‘kurrë më’. Por ajo që ne po shohim tani janë shenja të ndërhyrjes ruse, çka përbën rrezik për kthim në kohët e errëta. Kjo duhet të ndalet. Demokracia dhe liria duhet të kapërcejnë agresionin autokratik.”
Diplomatja britanike bëri të ditur se po punohet për një paketë investimesh prej 100 milionë dollarësh për Ballkanin Perëndimor, që do të parandalonte investimet që vijnë nga vende me “ndikime negative”.
LIZ TRUSS
MINISTRJA E JASHME, BRITANI E MADHE“Kjo është çështje kohe, ne po zgjedhim lirinë dhe demokracinë, jo ndikimin negativ dhe korrupsionin. Sot, Mbretëria e Bashkuar është vendi që shpall një paketë të re investimesh për Ballkanin Perëndimor në energji, infrastrukturë si një alternativë ndaj investimeve që çojnë në ndikime negative.”
Edhe Aleanca Veriatlantike ka shprehur vazhdimisht shqetësimet për situatën në rajon pas sulmeve ruse në Ukrainë. Ambasadorja amerikane në NATO, Jullianë Smith deklaroi se situata në Ballkanin Perëndimor do të diskutohet në samitin e ardhshëm të NATO-s, i cili do të mbahet mes 28 dhe 30 qershor në Madrid.
