Mjeku Tritan Kalo bëri apel këtë të diel që të ketë një vëmendje më të përqendruar të autoriteteve tek dezinfektimi dhe pastrimi i ambienteve publike.
Në një kohë kur të gjithë u kërkohet të ruajnë higjienë për shkak të koronavirusit, Kalo tha se e njëjta pastërti duhet edhe në rrugë, sheshe e pallate.
“Në përballjen me sfidën mbarëbotërore ndaj Sars-Cov2/Covid 19, krahas tre masave thelbësore dhe dobiprurëse të: Distancimit fizik përsa sa kohë që është e mundshme dhe rrethanat na e krijojnë këtë mundësi; Mbajtjes së maskave kudo POR më së paku në mjediset e mbyllura dhe ku ka grumbullime njerëzish; MASAT e Higjienës: a. individuale, b. kolektive dhe c. të mjediseve ku jetojmë e punojmë. RËNDËSI të madhe kishin, kanë dhe gjithmonë do të kenë këto të fundit, PRA higjena e mjediseve ku JETOJMË, ku ECIM e ku PUNOJMË…..U bënë muaj e vite që RRUGËT, SHESHET, RRUGICAT, PAS PALLATET, BUZË LANA e mjediset POSHTË URAVE të saj NUK e kanë parë dorën e bashkisë apo të autoriteve të tjera të ngarkuara, me HIGJENIZIMIN e tyre….ATO GJALLOJNË nga insektet fluturuese, sidomos mushkonjat “dashamirëse” të gjakut tonë duke na lënë gjurmë të shumta në lëkurë, ose rreziqet e sëmundjeve më të rrezikëshme deri në prekjen e trurit që ato bartin.”
Mjeku tha në “Facebook” se dezinfektimi i mjediseve të hapura nuk duhet të kryhet thjesht për propagandë.
Ai apeloi që secili të bëjë detyrën e tij drejt me qëllim që edhe beteja kundër koronavirusit të mos jetë shumë e vështirë.
“DEZINSEKTIMI dhe DEZINFEKTIMI real dhe jo ai “filmiko-propogandistik” është DOMOSDOSHMËRI, dhe ato janë aleatë tanë të plotëfuqishëm edhe në sfidën ndaj “flamës mbarëbotërore” të Sars-Cov2/Covid-19……NA ndihmoni në këtë drejtim që t’ja dalim mbanë në këtë betejë….. Jemi SHQIPTARË dhe duhet t’a ndjemë veten të respektuar dhe të dëgjuar në vendin tonë….JEMI PROFESIONISTË të SHËNDETIT publik dhe jo vetëm, ndaj edhe jemi më shumë të ndjeshëm e të përgjegjshëm në këtë aspakt të jetës në komunitet.”
