Polumbarët e RENEA-s kanë bërë të mundur nxjerrjen e trupit të një nga katër viktimat që u mbytën në liqenin e hidrocentralit të Banjës në Gramsh. Mësohet se trupi i nxjerrë është ai i babit, 46-vjeçari, Arben Zogu.
Ndërkohë vijojnë ende kërkimet për gjetjen e tre trupave të tjerë.
Babai me dy djemtë, si dhe kushëriri i tyre, u futën në liqen për t’u larë, por fatkeqësisht nuk mundën të dalin më nga aty.
Viktimat janë identifikuar si, Arben Zogu 46 vjeç dhe dy djemtë e tij, Ruben dhe Esti Zogu si dhe nipi i 46-vjeçarit, Melsi Zogu 20-vjeç.
Ngjarja është regjistruar rreth orës 19:00, ndërsa në buzë të liqenit ndodhen ende dy motoçikleta, tre celularë dhe rrobat e trupit të viktimave.
