10 muaj hetime në bashkëpunim me autoritetet greke dhe qëndrën “Selec” në Rumani kanë sjellë arrestimin e 61 shtetasve shqiptarë dhe të huaj.
14 persona u vunë në pranga dhe 6 të tjerë u shpallën në kërkim vetëm gjatë së hënës në një operacion që u zhvillua në disa qytete të vendit.
Nga hetimet janë dokumentuar të paktën 14 raste të trafikimit të kanabisit për mes kufirit të gjelbee nga Shqipëria në Greqi.
ARDI VELIU
DREJTOR I PERGJITHSHEM I POLICISE
“ Gjatë kontrolleve në operacionet e zhvilluara janë sekuestruar:mbi 1 ton lëndë narkotike Cannabis sativa;1 kg 23 gr. lëndë narkotike heroinë e kokainë;sasi lëndë narkotike çokollatë;10 peshore elektronike;sasi fishekësh luftarak;78 telefona celularë;25 automjete të ndryshme;Sasi të konsiderueshme vlerash monetare si euro, dollarë dhe lekë ”
Veliu tha se hetimet ndaj grupit kriminal zbuluan edhe një rast të dyshuar korrupsioni në sistemin e drejtesise ku u ndalua prokurori i Gjirokastrës Spartak Çoçoli, ndërsa ndaj të arrestuarve do të aplikohet edhe ligji antimafia.
Shkatërrim të një merimange kriminale e cilësoi operacionin edhe ministri i brendshëm Sandër Lleshaj përmes një postimi në rrjetet sociale.