Këtë të premte është regjistruar një rritje e lehtë e rasteve të reja me koronavirus, krahasuar me ditët e fundit, kur kemi patur një apo dy të infektuar.
Sipas Ministrisë së Shëndetësisë, në 24 orët e fundit kanë rezultuar pozitivë shtatë qytetarë, të zbuluar pas testimit të 2.706 personave.
Asnjë i infektuar nuk ka humbur jetën, ndërsa 11 qytetarë janë shëruar.
Në spital po trajtohen nga mjekët vetëm dy pacientë, një prej të cilëve është në terapi intensive.
