Numri i të shëruarve nga COVID-19 në Shqipëri po rriten çdo ditë. Së fundmi kanë fituar betejën me koronavirusin edhe 23 pacientë të tjerë. Kjo do të thotë se gjithsej deri tani kemi 154 të shëruar.
“? LAJM I MIRË: 23 TË SHËRUAR SOT?”, shkroi kryeministri Edi Rama në “Facebook”.
E marta ishte dita me numrin më të ulët të të infektuarve në dy javë. Silva Bino nga Instituti i Shëndetit Publik tregoi se ishin regjistruar vetëm gjashtë raste të reja, ndërsa në total janë 383 të infektuar.
