Rrëzimi I dy shtyllave të tensionit të lartë në afërsi të Voskopojës po hetohet nga policia lokale e cila deklaron paraprakisht se nuk ka elementë të aktit terrorist në këtë ngjarje.
Në datën 19 shtator në mbrëmje, në afërsi të rrugës së Voskopojës në Korçë, u rrëzuan dy shtylla të tensionit të lartë.
Nga kqyrja në vendin e ngjarjes, në të dyja shtyllat, grupi hetimor nuk ka konstatuar dëmtime fizike, përveçse mungesës të disa bulonave të tyre, ku shkaku paraprak i rrëzimit dyshohet si pasojë e erës së fortë.
Banorë të zonës pretenduan se rrëzimi I shtyllave metalike erdhi nga shkarkesat elektrike të rrufeve por kjo nuk deklarohet zyrtarisht nga policia. Nga rrëzimi I dy shtyllave të tensionit të lartë pati pasoja në furnizinin me energji elektrike të disa fshatrave të fushës së Korçës, Voskopojës e Lekasit.
Grupi Hetimor nën drejtimin e Prokurorisë po punon për zbardhjen e plotë të rrethanave të ngjarjes.
