Situata nga dëmtimet e pallateve është vërtet shqetësuese edhe në Tiranë.
Një numër I konsiderueshëm pallatesh janë evidentuar me dëmtime të mëdha, madje në disa prej tyre është vendosur edhe vija e verdhe e ndalimit të hyrjes brenda. Megjithatë ky bilanc mund të rritet pasi në disa pallate ende nuk është bërë një ekspertize e mirëfillte dhe për këtë gjë ka pasur dënoncime edhe në Vizion Plus, kryesisht me pallate të dëmtuara në Astir, Yzberisht, zonën e Freskit dhe Tufinë. Shqetësim I madh është edhe për disa godina në Kombinat.
Sakaq problem më të vogla janë të një numri shumë më të madh në të gjithë zonën e Tiranës.
Ndërkohe Kryeministri Edi Rama ka deklaruar në mbledhjen e qeverisë se në Tiranë 1192 banesa kanë pësuar dëmtime.
Kryeministri Rama në prani edhe të Erjon Bracës dhe Erion Veliajt ishte pikërisht në Kombinat për tëg parë nga afër gjëndjen e godinave të ndërtuara.
Rama tha se pallatet silicate të ndërtuara 50 vite me parë kanë future ne ankth qindra familje. Ai iu bëri thirrje banoreve që të mos dëgjojnë sharlatanet nëpër media të cilët ushqejne vetëm frikë.
Aty ky pallatet silikate të ndërtuara me punë vullnetare në fillim të viteve ‘70, kanë ankthosur qindra familje. JU LUTEM DURIM dhe MOS DËGJONI SHARLATANËT që shfaqen si shkencëtarë nëpër ekrane duke nxitur fantazinë e ushqyer frikën JU LUTEM.
Sipas tij deri tani rezultojnë 265 pallate që kërkojnë vlerësim. Kryeministri konfirmoi se 8 shkolla janë të dëmtuara së bashku me një qendër shëndetësore”.
