Gjykata e Tiranës vendosi sot masën e sigurisë për edukatoren e kopshtit privat në Tiranë, Denida Rexhepi, e cila dhunoi dy fëmijë të vegjël.
Edukatorja u denoncua nga prindërit e dy foshjnjave 20 muajshe, ndërsa dhuna u verifikua nga kamerat e sigurisë së kopshtit “4 Stinët”.
Një nga nënat e fëmijëve të vegjël ka thënë se fëmija i saj ndihej i trembur dhe ka kërkuar të vëzhgohen kamerat e sigurisë në ambjentet e kopështit, ku dhe është vërtetuar sjellja aspak normale e edukatores.
Kanë qenë prindërit ata që e kanë denoncuar në polici edukatoren duke kërkuar që çështja të ndiqet deri në fund.
