Një 25-vjeçar u dhunua nga tre persona në Shijak. Astrit Keçi, 52 vjeç, bashkë me dy vëllezërit Xhulio dhe Kleart Keçi, 20 e 22 vjeç, akuzohen se kanë dhunuar me sende të forta Denis Gjecin.
Sipas policisë, gjatë largimit, ata kanë qëlluar edhe me armë zjarri në ajër, duke prishur qetësinë publike.
Një nga autorët, Astrit Keçi u prangos, kurse dy vëllezërit po kërkohen nga policia.
I plagosuri mori plagë të lehta nga sherri dhe ndodhet në spital, jashtë rrezikut për jetën.
