Një spektakël përtej parashikimeve dhe një formulë risi që po i tregon elementët e saj, nga java në javë. Nata e nëntë e Ferma VIP, u përcoll me stuhi emocionesh dhe befasish në ekranin e Vizion Plus, shoqëruar me esencën e të gjitha zhvillimeve të javës.
Ndërsa për ditët në vijim parashikohet një “tërmet” në fermën VIP dhe për këtë do të kujdeset Rozana Radi. Ajo ka marrë përsipër një rol tepër sfidues duke i’u bashkuar fermerëve të tjerë, për t’i studiuar ata. Kutia e hajmalisë do të qëndrojë e mbyllur derisa dikush ta meritojë atë, me të gjitha përfitimet që mbart.
Ndërkohë, pas televotimit, agai këtë herë vendosi në sfidë përballë njëri tjetrit jo dy, por katër fermerët më pak të votuar. Xhesika Polo dhe Baby G, humbën lojën dhe do të qëndrojnë në shtëpinë e fakirit deri të hënën. Gjithashtu do të kenë shoqërinë e Albano Bogdos i cili është dënuar për punët në fermë. Vendimi për fatin e të treve do të bëhet i ditur gjatë prime-t të së hënës.
Ndërkohë roli i kryefermerit nuk ka gjetur unanimitet dhe rrjedhimisht nuk do të ketë një të tillë edhe gjatë kësaj fundjave. Ndërsa debatet për personazhin që pëlqen publiku apo jo, janë shumë larg një përcaktimi.
Një reality shoë i vrullshëm në të gjithë përmbajtjen e tij por që sigurisht nuk i kursen surprizat. Tepër emocionues takimi i Marjana Kondit me mbesën e saj. Por gjithashtu mbresëlënës raporti që fermerja ka ndërtuar me konkurentët e tjerë.
Deri të hënën, mos humbisni zhvillimet në fermën Vip, 24 orë në 24 në dy kanale të dedikuara të platformës Tring. /vizionplus.tv
