Kryeministri Edi Rama zbuloi në rrjetet sociale temat e diskutuara në takim me Sekretarin amerikan të Shtetit, Mike Pompeo. Rama tha në “Facebook” se diskutimet ishin për rindërtimin pas tërmetit, paketën “Anti-KÇK” të miratuar së fundmi nga qeveria, minishengenin rajonal dhe për dialogun Kosovë-Serbi.
“Në zyrën e Sekretarit të Shtetit, Mike Pompeo, për Rindërtimin, paketën AntiKÇK, Shengenin Rajonal dhe dialogun Kosovë – Serbi, si edhe sfidat e përbashkëta të aleancës sonë strategjike, ku Shqipëria mbetet besnikërisht e lidhur me Shtetet e Bashkuara të Amerikës ?????.”
Më parë, reagoi edhe Pompeo, i cili u shpreh i kënaqur që kishte pritur në takim Edi Ramën, ndërsa vlerësoi partneritetin SHBA-Shqipëri.
