Kryeministri Edi Rama ka ndarë këtë mëngjes pamje nga kantieri i ndërtimit të spitalit të ri rajonal në Lezhë, i cili pritet të shndërrohet në një qendër shëndetësore me standarde europiane.
Në një postim në rrjetet sociale, Rama theksoi se ky është një investim i qeverisë dhe Ministrisë së Shëndetësisë dhe Mbrojtjes Sociale, që do të përmirësojë ndjeshëm shërbimet për rreth 200 mijë banorë të zonës.
“Së shpejti, ky spital modern do të hapë dyert për komunitetin, duke ofruar kushte dhe trajtim sipas standardeve më të mira bashkëkohore,” shkruan kreu i qeverisë, duke e shoqëruar mesazhin me pamje nga kantieri në zhvillim.
