Deputeti i zgjedhur i PD-së, Ervin Salianji ka njoftuar kthimin e disa personaliteteve të Partisë Demokratike të rrethit të Korçës, duke theksuar se pas kontributeve të pandërprera në vite rikthehen edhe në degë për të vazhduar ndihmën e tyre.
Përmes një postimi në “Facebook”, Salianji shkruan se askush nga këta personazhe që kanë dhënë kontributin e tyre ndër vite në PD, nuk kërkoi privilegje dhe as ofiqe.
“Kënaqësi e veçantë që pas kontributeve të pandërprera në vite rikthehen dhe në degë për të vazhduar ndihmën aktivisht ish-kryetarët e degës Korçë në vite dhe ish-kryetarët e bashkisë të zgjedhur nga PD. Askush nuk kërkoi privilegje dhe as ofiqe por me eksperiencën dhe njohjen e tyre kontribuojnë, jetojnë me ngjarjet e PD dhe i japin Partisë Demokratike. Berti Kotmilo ish kryetar bashkie, Bujar Isaku kirurg me reputacion ish kryetar dege, Isuf Saliçe doktor ish kryetar dege, Agron Haizsllari noter ish kryetar dege, Gjergji Papa pedagod ish kryetar dege, Gjergji Mero Dekan ish kandidat për Bashkinë Korçë… Demokratët kanë identitet të fortë, përkatesia i bashkon nga çdo ndasi. Koha është për bashkim të çdo kontributi. Bashkë me Sorina Koti dhe drejtuesit e komanduar të degës, Ledina Alolli, Flamur Sala”
