Me protestën e 11 shkurtit e paralajmërimin për shumë të tjera, opozita shqiptare ka nisur një aksion politik kundër qeverisë.
Lidhur me këtë temë, anëtari i Këshillit Kombëtar të PD, Ilir Alimehmeti foli këtë të dielë për Vizion Plus.
Në një intervistë të shkurtër me moderatorin Roland Zili, Alimehmeti tha se, tashmë është shumë e qartë që populli po kërkon ndryshim.
Alimehemti u shpreh se opozita do të përdorë çdo lloj mjeti demokratik për të arritur mbrojtjen e votës.
Mjeku iu bëri thirrje edhe institucioneve të drejtësisë të bëjnë detyrën e tyre sa i takon çështjes së ‘vulës’ së Partisë Demokratike.
Roland Zili: Cili ishte synimi i protestës së djeshme, që konsiderohet si nisja e një revolucioni për opoziten, por nga ana tjeter u zhvillua në termat më paqësore të mundshëm?
Ilir Alimehmeti: Jemi në një element që ne do të përdorim çdo lloj mjeti demokratik duke mos përdorur dhunën, për të arritur mbrojtjen e votës. Ne kemi një situatë të ekspozuar tashmë edhe ndërkombëtarisht, kemi nisur korrupsionin edhe në shkallë ndërkombëtare, në një nga shtetet më të mëdha të botës siç është SHBA. Por në këtë çështje implikohemi të gjithë sepse nëse do të kishte integritet ai si kryeministër serioz do të kishte dhënë dorëheqjen pa përfshirë pjesën tjetër të popullatës, siç kanë bërë kryeministra të Kosovës kur janë akuzuar për çështje serioze. Kjo do të kishte qenë e udhës.
Roland Zili parashikon mosbindja civile që sipas zotit Berisha, do të jetë pjesë e këtij revolucioni?
Ilir Alimehmeti: Mosbindja përfshin shumë gjëra, spektri është shumë i gjerë. Populli po vuan të njëjtat probleme nga fillimi në fund, të gjithë njësoj. Kur vjen puna te problemet e jetës së përditshme, s’ka rëndësi ku jemi, majtas apo djathas. Që do të thot se në këtë moment duhet reaguar nga çdo qytetar, pavarësisht qëndrimit që kanë, sepse në fund të ditës faturat i kemi të gjithë njësoj. Ka taksa antikushtetuese e gjëra që mund të hiqen me një të rënë të lapsit. E jua thash që ka dalë problem aq i madh sa tashmë jemi në shkallë ndërkombëtare. Kjo është dicka që nuk konceptohet.
Alimehemti foli edhe për çështjen e vulës së PD, e cila sipas tij, po mbahet peng nga qeveria për shkak të frikës për tu përballur në zgjedhje.
“Kjo është e mbajtur peng nga këta njerëz sepse kanë frikë. E njëjta llogjik, të hiqen parti nga zgjedhjet nuk ka ndodhur ndonjëherë. Kjo po ndodh tani sepse po ndiejnë rrezik e risk. Partit nuk lindin me procese gjyqësore por si forcë njerëzore e popujsh që mbështesin një ide apo grup të caktuar. Shumica e popullatës do ndryshim. Metoda që ky ndryshim po mundohet të evitohet janë pikërisht këto metoda që tregojnë frikën. Institucionet të bëjnë detyrën e tij.”
I pyetur për demokratët, Basha apo Alibeaj të cilët nuk bien dakord me grupin e Berishës, Alimehmeti tha:
“Ne bazohemi te zgjedhja me votë. Ata mund të futen e ta provojnë veten me votë. Ne e dimë të gjithë se sa është mbështetja me votë për secilin prej nesh, janë të mirëpritur të marrin pjesë sepse në shumë mendimeve ne jemi të njëjtë e në të njëjtin drejtim. Sa i përket të drejtës së mendimit ndryshe, ne jemi parti e djathtë, mendimi ndryshe është krejtësisht i lirë. Nga ky aspekt neve e kemi shumë të qartë.”
