Kanë për funduar punimet e restaurimit në kishën e Shën Jovanit në fshatin Boboshticë. Ndërhyrja në çatinë e kishës është realizuar nga ekipi i mirëmbajtjes së Drejtorisë Rajonale të Kulturës Kombëtare.
Drejtori i saj Gjergji Koki njofton se është punuar intensivisht mbi dy javë për restaurimin e çatisë, zëvendësimin e petavrave të dëmtuara, vendosjen e shtresës hidroizoluese në të gjithë sipërfaqen e çatisë dhe zëvendësimin e tjegullave të dëmtuara.
Kisha e Shën Jovanit është objekti i katërt monument kulture që po ndërhyet në Qarkun e Korçës, nga ekipi i mirëmbajtjes së DRKKK. Ndërhyrje ka patur gjatë sezonit të verës edhe në kisha të zonës së Kolonjës e Vithkuqit.
