Reshjet e dendura përmbytin Bulqizën, bllokohet rruga pranë terminalit të qytetit

Reshjet e dendura të shiut gjatë 24 orëve të fundit kanë shkaktuar përmbytje në disa akse rrugore të qarkut Dibër, ndërsa situata më problematike raportohet në Bulqizë, ku është përmbytur rruga pranë terminalit të qytetit që lidh dy lagjet kryesore.

Sasia e madhe e ujit ka bërë që kanalet kulluese të mos përballojnë prurjet, duke mbuluar me ujë të gjithë asfaltin dhe duke penguar qarkullimin e automjeteve dhe këmbësorëve.

Banorët shprehen se problemi përsëritet sa herë ka reshje të forta, pasi edhe pse janë bërë ndërhyrje për zgjerimin e kanaleve, ato bllokohen shpejt dhe dalin jashtë funksionit.

/vizionplus.tv