Rëndohet bilanci, shkon në 32 numri i viktimave nga aksidenti hekurudhor në Tajlandë
Të paktën 32 persona kanë humbur jetën dhe mbi 60 të tjerë janë plagosur pas rrëzimit të një vinçi mbi një tren pasagjerësh në Tajlandë, sipas të dhënave më të fundit të autoriteteve lokale.
Ngjarja ndodhi rreth orës 09:00 me orën lokale (04:00 me orën e Shqipërisë), kur vinçi në një kantier ndërtimi u shemb mbi trenin që lidhte kryeqytetin Bangkok me provincën Ubon Ratchathani.
Treni doli nga shinat pas rrëzimit të vinçit, ndërsa shtatë nga të plagosurit ndodhen në gjendje të rëndë, dhe tre persona janë ende të zhdukur. Vinçi ishte pjesë e një projekti të madh për ndërtimin e një rrjeti hekurudhor me shpejtësi të lartë, i mbështetur nga Kina dhe i menaxhuar nga një kompani tajlandeze e cila ka qenë e përfshirë edhe në aksidente të tjera në të kaluarën.
Ministri tajlandez i Transportit, Phiphat Ratchakitprakarn, bëri me dije se në tren ndodheshin gjithsej 195 pasagjerë.
/vizionplus.tv
#Bangkok | Crane Collapse Kills 22 on Thai Passenger Train
The accident struck early Wednesday in northeast Thailand’s Sikhio district, where a crane lifting a bridge segment for a high-speed rail project fell across the tracks at 9:05 a.m., derailing two carriages of Special… pic.twitter.com/OHFMgjeGSF— Deccan Chronicle (@DeccanChronicle) January 14, 2026
