Pas 9 muajsh pushim, Kombëtarja e Shqipërisë do të kthehet në fushë për të luajtur 2 sfidat e saj, të vlefshme për Ligën e Kombeve, përballë Bjellorusisë dhe Lituanisë.
Tekniku Edi Reja bëri publike dhe listën e lojtarëvë të ftuar për dy takimet ku në sy bien 3 afrime të reja , Broja, Çepele dhe Laçi që japin garanci dhe për të ardhmen.
EDI REJA
TRAJNERI I KOMBËTARES SHQIPTARE”Skuadra Kombëtare po rritet. Po ka shumë pikëpyetje se si do t’i gjejmë lojtarët. Kam folur vazhdimisht me lojtarët. Sa i përket emrave të rinj , 17-vjeçari Çepele. Kisha folur me prindërit e tij. Është e vështirë të marrësh lojtarë nga Kombëtaret e tjera. Është një lojtar i perspektives. Ka shumë shqiptarë që kanë lindur në Europë. Presin fillimisht një ftesë nga Kombëtaret përkatëse. Ka lojtarë vërtet interesant, që po punojmë t’i afrojmë. Por duhet të jemi shumë të kujdesshëm për të marrë maksimumin dhe për të afruar lojtarë më cilësor.”
Reja nuk la pa përmendur edhe suksesin e ekipeve shqiptare ne Europa league dhe shpreson që të kenë vazhdimësi në këtë kompeticion.
EDI REJA
“Është një moment shumë i mirë për futbollin shqiptarë dhe skuadrat shqiptare. Kanë bërë një paraqitje shumë të mirë. Duhet të jemi shumë krenarë. Futbolli shqiptar po rritet. Kam folur edhe me presidentin Duka, që ka shumë dëshirë të nxisë futbollin e të rinjve. Unë do të përpiqem t’i ndihmoj.”
Në fund të konferencës, teknku mori dhe një lajm jo të mirë ne telefonin e tij ku i bënë me dije se Marash Kumbulla, mbrojtësi i Veronës kishte pësuar një dëmtim dhe me gjasa do të mungojë në 2 takimet.
Shqipëri do të përballet më datë 4 shtator me Bjellorusisë dhe 3 ditë më vone do te luaje me Lituanine.
