Edy Reja shpreson që Turqia të dënohet nga UEFA me qëllim që Shqipëria t’i rikthehej valles për kualifikim në EURO 2020.
Në një intervistë të dhënë për “Radio Sportiva”, Reja tha se gjesti I lojtarëve turq përveç ndeshjes me Francën e bënë veprimin edhe në sfidën përballë Shqipërisë ku shënuan në fund të takimit.
“Pas ndeshjes kundër Turqisë pamë që u rreshtuan dhe bënë një përshëndetje ushtarake. Ishim të befasuar. Janë gjeste që duhet të censurohen. Pavarësisht gjithçkaje, ata e bënë diçka të tillë edhe kundër Francës. Shpresoj që UEFA të marrë masa kundër Turqisë, që ndoshta do të na kthente ne në rrugën e kualifikimit. Përveç atyre shpresave egoiste që mund të kemi ne, mendoj se do ta kalojnë me një gjobë.”
