Reforma territoriale, Manastirliu: Bashki më të forta, përkthehet në rritje ekonomike
Deputetja e PS, Ogerta Manastirliu, tha se Reforma e re Territoriale i jep vizion të ri pushtetit vendor.
Sipas tij, bashki më të forta do të thotë më shumë investime, më shumë shërbime dhe më shumë mundësi për rritje të kapaciteteve ekonomike.
Manastirliu ftoi kolegët deputetë që të votojnë Reformën.
“Pas më shumë se 10 vitesh nga Reforma e parë, kemi rezultate nga të cilat mund të ndërtojmë. Shpenzimet vendore janë rritur me 248%, detyrimet janë ulur me 76%, pra Bashkitë kanë fituar kapacitet financiar, por megjithatë zhvillimi nuk ka qenë i njëjtë. Ka bashki që kanë vështirësi të ofrojnë shërbimet bazë. Bashkitë ushtrojnë 16 nga 34 funksione. Bashki të forta do të thotë institucione të financuara, burime njerëzore për të kthyer kompetencat e njerëzve. Propozimi i mëbshteur nga ekspertët synon të forcojë kapacitete, ruan identitetin e komuniteteve, ndaj të gjitha mendimet e dhëna në konsultime, duhen marrë seriozisht gjatë zbatimit të reformës. Një punë e tillë do të nisë menjëherë. Të nderuar kolegë, qarku i Tiranës përbën 31% të popullatës së vendit, reforma propozon kalimin nga 5 në 4 bashki. Bashkimi i Kavajës dhe Rrogozhinës bën një planifikim afatgjatë, ku territori është i lidhur për t’i shërbyer qytetarëve. Bashkia Tiranë lidhet me integrimin të njësisë administrative të Rinasit. Rinasi është një zonë që prodhon ekonomi dhe është i lidhur drejtpërdrejt me kryeqytetin. Kjo do të sjellë lidhje më të mira për qytetin dhe investime të reja. Tirana si qark, por dhe si Bashki, kërkon vëmendje të posaçme, Tirana e 1 milionë banorëve dhe turistëve ka nevojë për të projektuar një organizim të ri të njësive administrative dhe lagjeve, duke nisur nga numri i popullsisë, duke dhënë kompetenca të reja njësive administrative”, tha Manastirliu.
