Real Madrid mundi Espanjolin në transfertë dhe udhëheq i vetëm tanimë kreun në La Liga, falë dhe barazimit të Barcelonës me Celta Vigon këtë të shtunë. Vendasit provuan të befasonin madrilenët që në fillim të takimit duke goditur disa herë drejt portës.
Nga ana tjetër miqtë reaguan me Benzeman, por goditja e francezit ndalet nga portieri Lopez. Një shans të artë për madirlenët kishte dhe në minutën e 43-të kur skuadra e Zidan provoi disa herë portën por fati ishte me Espanjolin që arrin të mbylli gjithçka.
Në pjesën e parë, vendasit arritën të mbroheshin mirë në prapavijë duke mos i dhënë shumë hapësira madrilenëve . Në minutën e 45-të pas një topi të dhënë nga Benzema, Kasemiro nuk gaboi dhe dërgoi topin në rrjetë.
Sa i përket fraksionit të dytë të lojës, madrilenët tentuan disa herë për golin e sigurisë me portierin vendas që bëhet hero dhe arrin të mbajë në lojë skuadrën e tij. Por pavarësisht përpjekjeve të Espanjolit për të marrë qoftë dhe një pikë nga ky takim, sfida u mbyll në shifrat 0-1. Kaq ka mjaftuar që Real Madrid të marri kreun e La Ligës me 71 pikë e ndjekur nga Barcelona me 2 pikë më pak.
