Spektakli që prodhoi dueli i parë gjysmëfinal Bayern-Real Madrid, justifikoi plotësisht pritshmërinë për një përballje klasike të Evropës në UEFA Champions League.
Takimi i transmetuar në Tring u mbyll në një barazim emocionues 2 me 2 duke lënë gjithçka të hapur për ndeshjen e kthimit në Madrid pas një jave, ku do të vendoset edhe finalisti në këtë çift.
Në Mynih, gjermanët që dukeshin jofavoritë për shkak të pjesës së dytë të sezonit, në fakt nxorën në pah krenarinë gjermane dhe treguan se mund ta luajnë si të barabartë me këdo, edhe me Realin rekordmen të Europës që ka kaq shumë cilësi.
Të zotët e shtëpisë e treguan që në fillim qëllimet e tyre, por gabuan më të rëndësishëm, në finalizim duke mos justifikuar dot dominimin e kundërshtarit. Sane dhe Kane humbën tre mundësi të mira, përpara se madrilenët të shfrytëzonin pikërisht cilësinë që përmendem më lartë.
Në aksionin e tyre të parë në minutën e 24, një pasim mjeshtëror i Toni Kros u shfrytëzua nga Vinisius Junior që mposhti Manuel Nojer.
Goli shokoi gjermanët të cilët deri në fund të pjesës së parë nuk mundën të ekuilibrojnë shifrat.
Cinizmi madrilen doli në skenë edhe në nisje të pjesë së dytë kur Kros në fund të një zbritje të shpejtë u ndal nga një super Nojer.
Skuadra e Tuhel reagon fort dhe bën një mrekulli në pak minuta. Fillimisht del në skenë Sane që shënon një super gol në minutën e 53..pastaj 4 minuta më vonë Musiala fiton një penallti e cila kthehet në gol nga Hary Kane.
Reali kupton se nuk mund të fshihet më në gjysmëfushën e vet dhe sheh përpara, ndonëse barazimi vjen nga një episod …Vinisius sërish protagonist me shërbimin për Rodrigon i cili fitoi një penallti pas ndërhyrjes së Kim, në një mbrëmje të tmerrshme.
Nga pika e bardhë barazoi Vinisisues duke dërguar skuadrat në Bernabeu të mërkurën e ardhshmen me një rezultat tërësisht të hapur.
