Real Madridi është kampion i Europës dhe i Spanjës, dhe për sezonin e ardhshëm është përforcuar me brazilianin Endrik, francezin Kylian Mbappe… dhe tani kërkon edhe shokun e tij të skuadrës nga radhët e “trikolorëve”, Adrien Rabiot!
Siç raporton “Get Football News Italy”, Reali ka mbetur i impresionuar me paraqitjen e Rabiot në fitoren e Francës ndaj Austrisë – 1:0, në EURO 2024.
“Klubi Mbretëror” mund të përfitojë nga fakti se kontrata e mesfushorit 29-vjeçar me Juventusin skadon më 30 qershor dhe lojtari nuk i është përgjigjur ofertës për bashkëpunim të ri pasi nuk i është ofruar rritje rroge.
Vetëm nëse nuk e zgjat kontratën më 30 qershor, Rabio është i lirë të zgjedhë një klub të ri. /vizionplus.tv
