Real fiton superkupën e Europës/ Madrilenët mposhtin 2 me 0 gjermanët e Eintracht Frankfurt
Reali i Madridit ka rrëmbyer një tjetër trofe . Madrilenët kanë fituar përballë Aintracht të Frankfurtit në finalen e superkupës së Europës me rezultatin 2 me 0.
David Alaba ishte njeriu që zhbllokoi sfidën, duke realizuar një gol të lehtë me portën e boshatisur në minutën e 37, duke e kaluar kështu Realin në avantazh.
Gjermanët tentuan disa herë për të shënuar, por nuk mundën dot të mposhtin portierin Courtois.
Los Blancos ishin të karikuar dhe në pjesën e dytë. Në të 65 minutë, bomberi Karim Benzema shënoi golin e dytë për madrilenët duke e çuar në 324 numrin e golave të tij personal me Real Madrit .
Spanjollët nuk lejuan në asnjë moment hapësira për gjermanët, duke e mbyllur ndeshjen në epërsinë e tyre të dyfishtë.
Real Madrit fitoi trofeun e pestë të Superkupës së Evropës për vitin 2022, duke barazuar rekordin e Barcelonës dhe Milanit.
Ndeshja finale u transmetua ekskluzivisht në platformën Tring.
